Бугун, 30 ноябрь куни Олмаота шаҳри Ади Шарипов кўчасидаги хостелда ёнғин содир бўлди. Ўт ўчирувчилар воқеа жойидан 13 кишининг жасадини олиб чиқишган.

Дастлабки маълумотларга кўра, улар ис газидан заҳарланиб вафот этишган.Ёнғин жойига 7 нафар тез тиббий ёрдам бригадаси жалб қилинган. Яна икки киши касалхонага ётқизилган.
Қутқарувчилар берган маълумотга кўра ёнғин вақтида хостелда 72 киши бўлган.
Ёнғин ҳақида Фавқулодда вазиятлар бошқармасига маҳаллий вақт билан соат 05:33 да хабар келган. Биринчи ўт ўчириш бўлими воқеа жойига 7 дақиқада етиб борган. Ёнғин соат 06:22 да тўлиқ қамраб олинган.
Айни вақтда ҳодиса қурбонларининг шахсига аниқлик киритилган.
Ҳалок бўлган 13 кишидан 4 нафари хорижлик – 2 нафари Ўзбекистон ва 2 нафари Россия фуқаролари) бўлиб, қолган 9 нафари қозоғистонликлардир.
Ҳолат бўйича суд-тиббий экспертизаси тайинланган.